SOLEDAD sa AMAYA 2010

(Ang Patrona ng Amaya, Tanza, Cavite:STO. ROSARIO DE AMAYA)

Bilang pakikiisa sa pagdiriwang ika-50 taong anibersaryo ng Parokya ng Mahal na Birhen ng Santo Rosaryo ng Amaya, tanza, Cavite, pinaunlakan ng Cofradia de la Virgen de la Soledad de Porta Vaga, Inc. ang marubdob na paanyaya para sa Marian Procession bilang pagbubukas na gawain sa nasabing pagdiriwang.  Ito ay ginanap noong Sabado, Hunyo 6, 2010.  Matapos ang buwanang pagpupulong ng samahan sa Cavite city, tumulak papuntang Tanza ang ilan sa mga kasapi ng Cofradia upang dalhin ang replica nito ng Reina ng Lalawigan ng Cavite.  Kabilang sa mga tumulong upang maging ganap ang gawaing ito ay ang Pangulo ng samahan: Bro. Jonnell Ryan Enriquez, at ilang kasapi na kinabibilangan nila Bro. Randy Sarinas, Bro. Dennis Victa, Bro. EJ Tiglao at Bro. Adrian Fabella. Sa maikling talumpati matapos ang prusiyon, ipinahayag ang lubos na kagalakan ng Kura Paroko ng Amaya na si Reb. Padre Eleomer G. Dendiego sa pakikiisa na ito ng mga deboto ng Soledad.  

(Ang maringal na karosa ng Mahal na Reina sa prusisyon sa Amaya.)

(Ang mga kasapi ng Cofradia de la Virgen de la Soledad de Porta Vaga, Inc.)

(Ang Patrona ng Lalawigan ng Kabite, katabi ang Patrona ng Amaya, Tanza, Cavite)

(Ang mga kasapi ng Cofradia, matapos ang prusisyon.)