SAN ROQUE---OTRO TEMPLO, SEÑORA, OTRO ALTAR: Ang Bagong Dambana ng La Virgen de la Soledad de Porta Vaga

Mahigit sampung taon na ang nakaklipas nang ipagiba ang orihinal na Simbahan ng San Roque upang patayuan ng bago at mas malaking dambana para sa La Virgen de la Soledad de Porta Vaga.  Ngayon, sa pamumuno ng bagong Kura Paroko na si Reb. Pd. Cesar R. Reyes, unit unit nang nabubuo ang pangarap ng mga Kabitenyo at deboto ng Virgen de la Soledad na makita nang buo at nag niningning ang isang maganda at kaiga-igayang simbahan para sa nag-iisang REINA, INA at PATRONA ng lalawigan ng Kabite. 

 

 

Sa mga nais tumulong upang maging ganap ang dakilang pangarap na ito, makipag ugnayan sa Parokya ni San Roque, San Roque, Cavite city sa pamamagitan ni Reb. Pd. Cesar R. Reyes, Jr.

SOLEDAD, Patrona ng Lalawigan, Pintakasi ng Kabitenyong Kaparian

Noong 1975, idinambana ang la Virgen de la Soledad bilang Patrona ng Kapilya ng Tahanan ng Mabuting Pastol, ang pangdiyosesanong seminaryo ng Kabite na nasa Lalawigan ng Tagaytay.  Ang larawan ay isang antigong estampa na pagmamay-ari ng mga Heswita at noo'y nakadambana sa kanilang paaralan sa Lungsod ng Kabite.  Ito ay ibinigay nila bilang regalo sa noo'y Obispo ng Diyosesis na si Obispo Felix Perez.

Simula noo'y lalong tumindi ang marubdob na pagmamahala ng mga Pari't Seminarista sa Mahal na Birhen ng Soledad bilang kanilang Ina, Reina at Patrona sa lalawigang kanilang tunay na sinisinta.

 

Noong Setyembre 1-15, 2009, bilang pagdiriwang ng Kapistahan ng Mahal na Birhen, Ina ng Hapis, ngayong dakilang taon ng mga PARI,  nagsagawa ng isang Soledad Exhibit ang mga Seminarista, kung saan ipinakita at itinampok ang iba't ibang larawan o representasyon ng Mahal na Birhen ng Soledad sa iba't ibang panig ng bansa at mundo.  Ang koleksiyong ito ay mula sa mga kasapi  ng Cofradia de la Virgen de la Soledad de Porta Vaga, Inc. Kabilang sa mga ito ay ang La Virgen de la Soledad de la Paloma ng Madrid, Espanya, ng San Isidro, Nueva Ecija,  ng, Camaba, Maynila, ng Oaxaca, Mexico, at ng Granada, Espanya.

Sa pamamagitan ng pagtatanghal na ito, ipinapakita sa atin na ang pagdedebosyon sa Birhen ng Soledad ay tunay na tanyag at laganap sa buong daigdig, dahil sa dakila at mabisang pamamagitan ng Ina ng Diyos sa katawagan niyang ito.

 

 

(Ang mga Opisyal ng Cofradia de la Virgen de la Soledad kasama ang

Obispo ng Imus, Lubhang Kagalang-galang Luis Antonio Tagle)

SOLEDAD DE MANILA

Venerated in a little chapel a few meters away from CM Recto Ave. in Manila, is another version of the Virgen de la Soledad.  Though not much is known of the icon, many believe that it is one of the many representations of the famous and miraculous Virgin of Porta Vaga in Cavite and that this replica may have been honored in this community since 1884.  According to accounts and stories of old people, the Camba area has been inhabited by mostly residents from Cavite city that’s why it has been called in the older days as Barrio Soledad.

Miracles have also been attributed to this mysterious icon.  It is said that the entire neighborhood where it resides has always been protected from the fires which guttered the Binondo district many times.  The Camba area has always been spared from other kinds of calamities and even the ravages of wars.

Her feastday is celebrated annually every 1^st of January through a translacion going to the Mother Parish of Sto. Niño de Tondo capped by a festive caracol procession going back to its home in Camba St., Manila.

====================================================================

Mapalad ang Cofradia de la Virgen de la Soledad de Porta Vaga, Inc. upang maanyayahang maging mahalagang bahagi ng pagtatatag sa Parokya ng Virgen ng Soledad sa Maynila. Sa loob ng mahigit sampung (10) taon mula ng maitatag ang samahan, ay patuloy na nakikibahagi ang bawat kasapi sa isang debosyong sumibol mula sa nagiisang Reyna ng Kabite.  

MISA DE LA REINA: Unang Sabadong Debosyon sa Mahal na Birhen ng Soledad de Porta Vaga

Tuwing UNANG SABADO ng Bawat Buwan, ginaganap ang isang NOBENA at MISA MAYOR sa karangalan ng Mahal na Birhen ng Soledad de Porta Vaga.  Ito ay sinusuportahan ng iba't ibang samahan sa Cavite, lalo't higit ang Cofradia de la Virgen de la Soledad de Porta Vaga, Inc.   Tuwing Unang Sabado, sa ganap na ika-11 ng umaga, inilalabas at itinatampok sa kanyang dambana ang mahigit 300 daang taong ORIHINAL na larawan ng Soledad upang mahalikan at mahawakan ng mga debotong tunay na nagmamahal sa kanya...  Ito din ay oras na sinasamantala ng samahan upang magpulong buwan buwan at pagusapan ang iba't ibang gawain para sa higit na ikalalakas at ikalalaganap ng debosyon sa nag-iisang REINA, INA, at PATRONA ng Lalawigan ng Kabite.   Hinihikayat ang lahat ng mga deboto na dumalo sa nasabing pagtitipon at tamasahin ang napaka raming biyaya sa piling ng mapaghimalang larawan ng Mahal na Birhen ng Soledad.